La sciença dins la lenga nòstra

Siti de vulgarisacion scientifica en occitan. Site de vulgarisation scientifique en occitan. Aqueu siti es mai o mens centrat sus la fisica dei particulas e l'interacion fòrta entre quarks, mai es dedicat a la fisica en generau.

10 novembre 2009

Co que voletz

Encuei vos perpausi de faire un article permanent (li aurà un ligam dins la colona a man drecha) per recampar toei vòstrei vòts :

Voletz que parli de quaucarren de particular ? Avetz vist un article sus un fenomèna naturau e voletz saupre ço qu'en pensi ? Voletz un conselh scientifica per netejar vòstreis olas ? Voletz introdusir un debat sus un subjècte ligat a la sciença ? O non sabi qué... Es aquí que cau demandar !

Mandetz un pichon comentari aquí e provarai de faire un article sus ço que m'avetz demandat tres qu'es possible.

 

Mandat per lo_julien a 13:05 - Comentaris [9] - Permaligam [#]
Tags :
Votatz per mon blòg sus se vos plai

Commentaires

    Asard e resentit

    Adiu,

    sabe pas se i a de las charchas de realisadas sus lo asard versus lo resentit.
    M'esplique : mai d'una vetz, mos collège pensan qu'ai una influença sus lurs ordinators, la radio, o b'etot la meteò, los paubres. 'Quò perqué de las vetz, 'riban pas a far de las chausas sus lo pece, 'ribe e clicclicclic, los mesma que ilhs, e 'quò i es !

    Mesma chausa per la musica dins lo pòste.

    L'anciana secretari pensava que 'quò veniá de l'oroscopa, ai 'gut beu argumentat per una probabilitat (laidonc un pauc de scienca), ren, 'la es restada sus las soás creianças. Lo nouveu pense que 'quò es un fluide (vertadier !).

    Sabe pas se sei estat clar, te damande un pauc 'na revirada de la lei de Murphy, beleu.

    Afé bona continuacion per ton joèb.

    JP

    Mandat per JP la rapieta, 10 novembre 2009 a 15:18
  • Adiéu,

    Sabi pas trop, vau carcular en aquò...

    Pensi pas que pòsqui faire quauquarren sus la demostracion que l'oroscopa es una cagada, ja qu'es un pauc tròp ridicule per estre estat l'objècte d'un estudi scientific costosa. Pasmens, veni tot bèu juste de pensar qu'es estat un pauc fach per l'omeopatia...
    Bensai pòdi provar de charrar un pauc d'aqueleis estudis sus l'omeopatia, mas bensai auriáu besonh de l'ajuda d'un biologiste per destriar lei referenças fisables.

    Senon bensai podèm un pauc charrar dei metòdas per argumentar : soventi fes podèm pas convencer perque opausem un dogmatisme a la creiança, ço que fa un dialèg de sords. Cau pas doblidar que la sciença es una metòda, pas un contengut imobile.
    Dins aquel esperit, li a tanben una cauva de bòn notar : es que mòstrar qu'una cauva existe es totjorn fòrça mai aisit que mòstrar qu'existe pas.

    Mandat per lo_julien, 10 novembre 2009 a 17:06
  • osca !!!
    per tot aquo ! es rare un scientific en oc!
    una question!
    mon bel paire fa un pichon vin d'ostal qu'a un gost un pauc metallic; pensa qu'aquo ven del sofre liquid qu'èra alterat ... pod s'alterar lo sofre liquid? o benlèu a subredosat ...
    jofre

    Mandat per jofre, 11 novembre 2009 a 08:22
  • Gramaci,

    En fach siáu pas tròp segur de ço qu'es lo "sofre liquid" : es un nom de comerçants e de païsans, es pas un nom normalisat. En efèt lo sofre es liquid sonque a partir de 115°C. Adonc aquí lo tèrme "liquid" es una abusança de lengatge.
    Emai iéu que fau de bièra (e de còps que li a de vin o d'autrei cauvas) ai pas jamais utilisat de "sofre liquid", ni vist aquò dins lei tièras de mei provesidors.
    Sembla qu'es una suspension de sofre (de tot pichòtas particulas solidas) dins d'aiga. Es de color ? Jaune ?

    Se es aquò pensi que li a ren d'especiau de dire : lo sofre eu-meme pòu pas donar quauquarren metallic. Generalament lo sofre balha puslèu d'odors fòrtas coma d'uòus poirits.

    Bensai fa fermentar lo vin dins un contenidor en metal, non ? L'enteraccion quimica entre contenidor e contengut es soventi fes pron importanta, que siágue per lo vin o per la confitura.

    Mandat per lo_julien, 11 novembre 2009 a 10:22
  • lo sofre liquid es transparent , enfin lo seune ; se troba dins los coop agricolas o oenologs ; es vertat que quora om en bota trop sentis l'uou poirit mas sufis de lo sostirar a l'aire per far partir lo gost ; la cuva de fermentacion es en ciment e jamai detartrada ; pensi que son las alveolas o traucs del tartre que pod bailar aquela odor; mercé ; mancarai pas de te tornar sonar sus d'autras questions

    Mandat per jofre, 11 novembre 2009 a 13:18
  • En fach pensi qu'es l'envers : es pas perque li a de tartre que balha un gost metalic au vin, pensi qu'es perque l'acide tartrique dau vin (e bensai tanben d'autreis acides) dissòlvon lo ciment que li a aparicion de tartre sus aqueu.

    1) Dins lo ciment li a molon de mineraus, dei quaus li a de minièr d'aluminium, ferre, etc. Es l'unic sorgent de metaus que pòdi veire dins aquèu cas.

    2) Bensai te remembres de cors de quimia de licèu sus lei cobles acide-basa, senon pòdes jetar un còp d'uelh aquí : http://fr.wikipedia.org/wiki/R%C3%A9action_acido-basique
    Aquí podem maginar d'un costat un coble "ion aluminium / alumina" (o d'autrei cobles ion/metau que si pòdon trobar dins lo ciment) e de l'autre un coble "acide tartric / tartre" (lo tarte estent una sau cauquièra de l'acide tartric , mentre que dins la vida vidanta li a una abusança de lengatge sus aqueu tèrme tartre, que pòu designa tanben d'autrei saus).
    La reaccion es donc acide tartric (+caucium) + alumina -> tartre + ion aluminium

    Per evitar aqueu gost metalic caudriá donc siá botar une mena de revestiment sus la cuva (pensi que de gip pòu faire mestier per exemple), siá "desacidejar" (si ditz ?) lo vin avans que siágue tròp longtemps en contact embé la cuva.

    Mandat per lo_julien, 11 novembre 2009 a 14:08
  • pensi que lo melhor es de detartrar la cuva ; as d'ideias , son de vertadieras placa , n'ia que fan amb d'acid cloridric ; mercé

    Mandat per jofre, 11 novembre 2009 a 15:13
  • Pòs totjorn provar, mas se mon ipotèsi es bòna : prim lo tartre seriá pas l'encausa mas una consequença segondaria, e segondament lo tartre seriá puslèu una proteccion, ja que :
    1) Lei placas de tartre isolan un pauc lo vin de la cuva e dei saus metalicas presentas dins lo ciment porós.
    2) Quora li a una certana quantitat de tartre li a un equilibre, se lèvas lo tartre la reaccion va tornar dissòuvre lo ciment per tornar faire lo tartre qu'as levat.

    E ai fach un pichon còp de google que confirma dins la practica mon idèia : http://www.oenologie.u-bordeaux2.fr/images/pdf/expo_dno_pdf/materiaux_cuves.pdf
    D'una man lo detartratge regulièr es conselhat per evitar lei contaminacions bacteriologica (mas aquò es pas ton problèma), e de l'autra man perpausan de faire de tartre nòu artificialament ("aplicacion d'acide tartric") per aparar la cuve de l'accion deis acides.

    E mèfi embé l'acide cloridric : pòu faire de gros traucs dins lo ciment, qu'es minerau e basic. E se la surfaça ven traucada de pertot e irregulara serà pejor.

    Mandat per lo_julien, 11 novembre 2009 a 15:56
  • benlèu que ia pas de tartre e qu'aquo's l'escambi ciment -vin que fa aquela odor e juastament caldria pintrar l'interior de la cuva amb d'acid tartric ; bon mercé per tas recercas , te gardarai una botelha de caurs

    Mandat per jofre, 11 novembre 2009 a 16:15

Mandar un comentari