L'esquilhaire

Ancuèi vau començar una categoria nòva, per de problèmas/devinalhas.

D'en primier, una question de sason, embé aquesto freg que nos fa tombar leis orelhas. Un esquilhaire es de naut d'una montanha e vòu prendre de vitessa cap a un tremplin, aval. Per aquò deu faire una causida entre tres camins : un qu'a totjorn la mema penda (lo blu a man drecha), un que li fa faire la cabussada a la debuta pi qu'es mai plan a la fin (lo verd), e un darrièr qu'es mai e mai pendolos (lo rotge).

1) Quau camin li balharà la vitessa maximala ? (supausem qu'a d'esquilhs perfèts, valent a dire que neglijam lei fretaments)

2) Quau camin li menarà au tremplin en un temps minimau ?

Mi podetz respondre en comentaris, balharai la responsa "la setmana que ven". A lèu.

Comments

[lo_julien]

1)Toei les camins menaràn a la mema vitessa ! Ven dau principi de conservacion de l'energia (se aviam pilhat en compte de fretaments seriá mai complicat).
Lo fach d'estre sus la montanha si pòu descriéure coma una energia potenciala, energia potenciala qu'es trasformada en energia cinetica dins la calada (valent a dire que la soma energia potencial mai energia cinetica es constanta). Coma partem dau meme ponch avèm la mema energia potencial a la debuta, e donc la mema energia cinetica a l'arivada.

2)Lo verd (que comença embé una penda fòrta) menarà au temps minimau, per l'encausa dau principi d'inercia : la vitessa qu'es estada producha a la debuta demorarà dins toei lo camin, serà explotada mielhs.
Podetz regarjar lo limit monte lo camin es exactament un troç en penda e un troç plan : se li a lo troç plan d'en primier l'esquilihaire va pas jamai calar, caudrà un temps infinit ; mais se lo troç en penda es en primier, l'esquilhaire tombarà en accelerant dins la penda, pi contunharà sus lo troç plan embé la mema vitessa.

[jp la rapieta]

Bonser,

lu vert per la rapiditat e lu roge per lu temps minimau, mas seriá pas esplicar perquè.