La sciença dins la lenga nòstra

Siti de vulgarisacion scientifica en occitan. Site de vulgarisation scientifique en occitan. Aqueu siti es mai o mens centrat sus la fisica dei particulas e l'interacion fòrta entre quarks, mai es dedicat a la fisica en generau.

04 septembre 2010

Un còp franc que fa parlar d'èu

coverL'annada passada vos aviáu parlat d'una conferença prevista a l'ENS embé John W. M. Bush, dau MIT, qu'a parlat de la fisica dau balon, d'un còp franc de Roberto Carlos etc. Eri estat un pauc estonat per aquesto subjècte mais fin finala ièr siáu tombat per còp d'asard sus un article de Scientific American que parlava dau meme còp franc, e que citava de noms d'autrei còlas que l'estudiavan. Per mostrar que la question es estada estudiada depuèi longtemps, an citat un vielh papier japonés de 1998 (que sa bibliografia fa encara referença a un libre de 1972 e un article de 1985). Si podriáu pensar que despuèi lo temps qu'estudiam aquò, ja sabem tot. E bé vesiblament non : se Scientific American a escrich un article es a l'occasion d'un nòu article dins IOP per de francés de l'escòla politecnica.
world_11_6_8_2E aquò es pas fenit : aquesto matin, que pensaviáu pas mai en aquò, mi desrevelhi, vau legir Le Monde... e tombi encara sus un autre article que parla dau papier parisenc. Aquò fa un molon d'articles ! Es abituau qu'un fisician d'aici d'ailà causisse de parla d'una cauva un pauc amusanta, mais un tau bocan mediatic sus un subjècte anecdotic...

Mandat per lo_julien a 14:47 - Actualitats scientificas - Comentaris [0] - Permaligam [#]
Tags : , ,
Votatz per mon blòg sus se vos plai

Commentaires

Mandar un comentari