Una primera trempeta dins l'univers dei quarks

Lo premier article qu'ai fach. Siéu pas força content d'aqueu : ai provat de faire quauquaren un pauc mai originau e un pauc mai fisic que ço que podetz totjorn legir dins lei magasines de vulgarisacion, ma fin finala cresi que siéu pas estat força clar. En fach aqueu article es un pauc un exercici empauat que non m'agrada.

Comments

[lo_julien]

De segur aviáu previst de parlar de fisica quantica, mai vendrà après. E faudrà mai que d'un article per aquò.
E mai ai ja trabalhat sus aquelei questions d'informacion quantica. Autanben ai ja rescontrat l'òme de la fotò, Nicolas Gisin.

Lo fenomèn que l'article en parla es lo paradòxa EPR, es quauquarren qu'es totjorn malaisit d'acceptar per lei cervèus umans, mai qu'es "matematicament" fòrça ben establit. En fach lo ponch important es que la fisica es totjorn l'estudi dei resultats de mesuras que podèm faire, e un modèl fisic es sonqu'una estimacion dei correlacions entre aquelei resultats. Lei objèctes matematics de la teoria an pas forçadament de realitat fisica, ço qu'a una realitat es ço que podèm observar. La fisica si preocupa de realitat sujectiva, d'aquela realitat que pòu aver d'esfiech sus la nòstra vida ; lo concèpte de realitat objectiva es daissada ai religiós, li a ges d'objectivitat en sciença. Adonc ço qu'estudiam en fach es la nòstra informacion sus lo sistèm quantic, non lo sistèm d'entre-eu. Es per aquò que dien generalament aquesto domèni de recerca "informacion quantica" e non simplament "mecanica quantica" ò "fisica quantica", e es tanben per aquò que li a tant de ligams e d'applicacions a l'informatica.

Fau pas veire lei quarks (dins la practica es puslèu de fotons qu'emplegam) entricats (entangled en inglés) coma de particulas de son "ligadas" per una fòrça que si propaga a distança longa. La vertat es que l'unic endrech monte aquelei particulas son ligada es nòstre cap : sabèm que lei doas particulas an un espin diferent, e lo sabèm perque avanç de lei desseparar lei aviam preparat dins aqueu estat quantic particular.

[Clapassier de NY]

Compreni qu’aqueste article es pas mai qu’una premiera trempeta. Voldriai çaquelà vos cimbelejar un article del Wall Street Journal de Mai, http://online.wsj.com/article/SB124147752556985009.html , que parla de la “nonlocalisacion” dels quarks. N’avem parlat al trabalh (trabalhi dins una banca) et tots erem espantats. Es verai que la distença a pas d’efiech sus lo desportament de dos quarks “ligats”? Benleu que podretz nos balhar qualques fotons de lutz sus tot aquo, dins un article estador. A leu !