Fin ?

Adiéu en toei ! 

Podetz veire que fa une brave moment qu'ai pas escrich aqui, alora encuèi siáu passat per dire qu'aquesto blog es en ibernacion... Per pas dire qu'es la fin d'aquesto projet... Mai va sabi pas per lo moment se es la fin o pas. Bensai tornarai escriéure sota una autra fòrma. Quau que siágue podetz totjorn mi mandar de mèls o comentar per mi faire vostrei remarcas o suggestions, o se avetz un projet dins la vòstra tèsta que podriáu aver besonh de iéu. 

Per ço qu'es dau bilanç d'aquesto blog a l'ora d'avui, pòdi dire que foguèri jamai completament acontentat de ço qu'ai fach, e qu'ai jamai agut un fum de lectors. Mai es qu'es un escac ? Es pas segur. Lei temps son dificiles per l'occitan, per la sciença, e finda per lei blogs. La fèbla afluença era un pauc esperada avanç de començar. Fin finala cresi que çaquela ai capitat de faire un pauc, embé ma pichòta peira, avançar l'ideia que podèm parlar de tot en occitan. Ai agut unei contactes que mòstran que dins lo principi li a una certana dobertura per aquesta recèrca d'un òc viu que sortisse de son "Mont-Segur" deis arts e de la cançon. E podèm tanben faire lo paralèl embé la capitada dau jornalet, que parla mai generalement de toei les subjèctes que pòdon faire l'actualitat.

Per lo moment sabi pas ço que vau faire, e ai pas tanpauc un fum de temps per faire de causas. Mai d'un biais o d'un autre, a lèu !

Comments

[Nadaou]

I o de blogs en oc que marchou plô



http://mistralenc2.over-blog.com/

[Danís]

Adieussiatz, benlèu es sonque lo suppòrt qu'era simplament pas vesedor e dinamic ? Se fasiás la meteissa causa jos la fòrma d'articles scientifics sul jornalet ?

Bona continuacion e plan coralament,

Danís

[Jacme]

CONTUNHA !