La fisica dau bèu juèc

18 septembre 2009

Ai tot bèu juste recebut un mèl amusant, sus la miéua adreça de l'ENS, vos fau la revirada :

John Bush, Professor au MIT, balharà diluns 15 de junh que ven ai 15o
un seminari sus la fisica dau fotbal.

Afogat(da)s dau balon redon e/o dei fenomènas fisics, es una
escasença unica de combinar li vòstres doas passions...

-----------------------------------------------------

The Physics of The Beautiful Game
J. W. M. Bush (MIT, USA)
diluns 15 de Junh, 15o
Sala dei Tèsis

John Bush combina li tecnicas de modelisacion theorica embé lu experiments,
d'un biais per identificar e resòuver de nòvi fenomènas en mecanica dei
fluídes. Lu siéu tres domanis de predileccion son la dinamica dei fluídes
geofisics, lu fenomènas de tension superficialas e la dinamica dei
fluídes en biofisica.

Dins lo siéu seminari explicarà notament lo ròtle de l'enteraccion entre
lo balon, l'aire au dedins e l'aire fòra que balhan d'efèts
decisius dins lu espòrts de bala segon lo biais de lo picar.

Parlarà ben segur dau biais tot particular qu'a Juninho
de picar la ``folha seca". Pensa qu'es lo pus grand
tiraire de còp francs en activitat. Discutirà tanben dau famós còp
franc de Roberto Carlos contra França au mes de Junh 1997, a l'Estadi Gerland.
(http://www.youtube.com/watch?v=W5XpXU8TBoo)
Mai evocara tanben Pelé, Nilinho, Mihajlovic, Beckham,...

Sembla que Ken Loach aviá pas tot plen raon quora declara
"Lo balon non es forcedament un espòrt geniau ja que lu americans non
s'i interessan", Ken Loach dins l'Equipe Magazine, 10 de Mai 2009.